საქართველოს პრემიერ-მინისტრი გიორგი გახარია ხორვატიაში მომხდარი მიწისძვრის შედეგად გარდაცვლილთა ოჯახებს უსამძიმრებს.

„ღრმა მწუხარებას გამოვხატავ ხორვატიაში კიდევ ერთი მძლავრი მიწისძვრის გამო. გულითადად ვუსამძიმრებ გარდაცვლილთა ოჯახებს და სწრაფ გამოჯანმრთელებას ვუსურვებ დაშავებულებს. ამ რთულ დროს საქართველო მეგობარი ხორვატი ხალხის გვერდით დგას“, - წერს პრემიერი „ტვიტერის“ გვერდზე.

ცენტრალურ ხორვატიაში 6.3 მაგნიტუდის სიმძლავრის მიწისძვრა მოხდა.