ბაღდადში 3 ივლისს მომხდარი ტერაქტის მსხვერპლთა რიცხვი 292-მდე გაიზარდა.

ამ დროისთვის მხოლოდ 115 ცხედრის იდენტიფიცირება გახდა შესაძლებელი. 177 დაღუპულის ვინაობა ამ დრომდე დაუდგენელია.

ჯანდაცვის სამინისტროს მონაცემებით, დაშავებულია 200-მდე ადამიანი.

დანაღმული სატვირთო მანქანა ერაყის დედაქალაქის ცენტრში, ხალხმრავალ სავაჭრო რაიონში, ელ-ქარადაში აფეთქდა. მალევე მეორე აფეთქება ბაღდადის ჩრდილოეთ ნაწილში მოხდა.

ტერაქტზე პასუხისმგებლობა ექსტრემისტულმა დაჯგუფებამ "ისლამურმა სახელმწიფომ" აიღო.

აფეთქებები ერაყის სამთავრობო ძალების მიერ ქალაქ ფალუჯას ისლამისტებისგან გათავისუფელბიდან ერთ კვირაში მოხდა.

3 ივლისს განხორციელებული თავდასხმა ერაყში 2003 წლიდან ყველაზე სისხლიანი ტერაქტი გახდა.