გამოძიების ფედერალური ბიუროს სერვერიდან, 100 000-მდე მეილზე, კიბერთავდასხმის შესახებ ყალბი გაფრთხილება გაიგზავნა, - ამის შესახებ BBC წერს.

„სასწრაფოა: საფრთხე სისტემაში“ - ასეთი იყო მეილების დასათაურება. FBI მეილით (@ic.fbi.gov) ადრესატებს ატყობინებდა, რომ ისინი გამომძალველთა მაღალ დონეზე ორგანიზებული ჯგუფის - Dark Overlord-ის თავდასხმის სამიზნეები გახდნენ.

ჯერ უცნობია, ელექტრონული გზავნილები FBI-ს სერვერზე წვდომის მქონე პირმა გაგზავნა თუ მომხდარის უკან კიბერთავდამსხმელები დგანან.