კულტურის კომიტეტის თავმჯდომარე ელისო ბოლქვაძე  გაეროს ბავშვთა ფონდის წარმომადგენელს საქართველოში ღასან ხალილს შეხვდა.  შეხვედრაზე 2022 წლის  თებერვალში გასვლითი სამუშაო შეხვედრა დაიგეგმა პანკისში, საპილოტე სახელოვნებო სკოლაში.

„პანკისში, სახელოვნებო განათლებს რეფორმის ფარგლებში,  ერთ-ერთი სკოლის ბაზაზე სახელოვნებო  სკოლის შექმნის საკითხზე ვისმჯელეთ, თებერვალში შევისწავლით სიტუაციას ადგილზე. ღასან ხალილი გამოთქვამს დიდ ინტერესს, რომ სახელოვნებო განათლების საპილოტე სკოლაში ახალი ინოვაციური პროგრამები დაინერგოს. გარდა ამისა, ვიმსჯელეთ შეზღუდული  შესაძლებლობის მქონე ბავშვებისთვის სპეციალური პროგრამების შემუშავებაზე“, - განაცხადა ელისო ბოლქვაძემ.