„ომიკრონისთვის“ დამახასიათებელია 2-3 დღიანი მაღალი ცხელება, რომელიც თავიდან ძნელად ემორჩილება სიცხის დამწევს“, - ამის შესახებ ციციშვილის სახელობის ბავშვთა კლინიკის დირექტორმა, დავით რეხვიაშვილმა განაცხადა.

„თუმცა, თუ ვმართავთ ისევე, როგორც სხვა ვირუსულ ინფექციებს - სითხეებით დატვირთვა, სიცხის დამწევის დროული მიცემა, 2-3 დღეში მდგომარეობა სტაბილურდება. აღარ არის ისე, როგორც ხდებოდა „დელტას“ შემთხვევაში, რომელიც უფრო მეტად რთულდებოდა სასუნთქი სისტემის მხრივ“, - აღნიშნა რეხვიაშვილმა.

ბოლო 24 საათის განმავლობაში საქართველოში კორონავირუსის კიდევ 17 530 ახალი შემთხვევა გამოვლინდა.