უკრაინის საგარეო საქმეთა მინისტრი, დმიტრო კულება უცხოელ პარტნიორებს მოუწოდებს, უკრაინას საბრძოლო თვითმფრინავები გადასცენ.
„ჩვენი შესანიშნავი მფრინავები გმირულად იცავენ ჩვენს ცას. თუმცა, რუსეთს უპირატესობა აქვს. ძვირფასო პარტნიორებო, რომლებსაც ჯერ კიდევ არ მიუწოდებიათ უკრაინისთვის სამხედრო თვითმფრინავები: როგორ შეგიძლიათ დაიძინოთ, როდესაც უკრაინელი ბავშვები ბომბების ქვეშ არიან მარიუპოლში, ხერსონში, ხარკოვსა და სხვა ქალაქებში? თქვენ შეგიძლიათ ახლავე მიიღოთ ეს გადაწყვეტილება. გააკეთეთ ეს!“ - დაწერა დმიტრო კულებამ Twitter-ზე.