„როდესაც სახელმწიფო ომში მოხალისეებს უშვებს, მათზე იღებს პასუხისმგებლობას. მოხალისეზე, რომელიც ტყვედ ჩავარდება, არ ვრცელდება სამხედრო კანონმდებლობა, რომელიც ეხება სამხედრო ტყვეებს“, - ამის შესახებ გადაცემაში „იმედი LIVE“ ანალიტიკოსმა, ამირან სალუქვაძემ განაცხადა.

მისივე თქმით, რუსეთმა პირდაპირ გამოაცხადა, რომ თუ მოხალისეები ტყვედ ჩავარდებიან, მათზე ეს კანონები არ გავრცელდება.

„როდესაც სახელმწიფო ომში მოხალისეებს უშვებს, მათზე იღებს პასუხისმგებლობას. მოხალისეზე, რომელიც ტყვედ ჩავარდება, არ ვრცელდება სამხედრო კანონმდებლობა, რომელიც ეხება სამხედრო ტყვეებს. რუსეთმა პირდაპირ გამოაცხადა, რომ თუ მოხალისეები ტყვედ ჩავარდებიან, მათზე ეს კანონები არ გავრცელდება. ასეთ ადამიანებს ან პირდაპირ გაანადგურებენ ბრძოლის დროს, ან სისხლის სამართლის პასუხისგებაში მისცემენ. ასეთ დროს სახელმწიფოს მეთაური, რომელიც მოქალაქეებს ომში აგზავნის, ამაზეც იღებს პასუხისმგებლობას და ეს კარგად უნდა ესმოდეს საზოგადოებას და იმ ძალებს, რომლებიც ამ თემას შიგნიდან თუ გარედან ასე აქტიურად განიხილავენ“, - ამბობს ამირან სალუქვაძე.