რუსეთის რიტორიკის ბოლოდროინდელი ესკალაციის მიუხედავად, აშშ არ მიიჩნევს, რომ რუსეთის მიერ ბირთვული იარაღის გამოყენების საფრთხე არსებობს. ინფორმაციას ამის შესახებ სააგენტო Reuters-ი აშშ-ის თავდაცვის დეპარტამენტის ოფიციალურ პირზე დაყრდნობით ავრცელებს.

„ჩვენ ვაგრძელებთ მათი ბირთვული შესაძლებლობების მონიტორინგს. ჩვენი შეფასებით, არ არსებობს ბირთვული იარაღის გამოყენების საფრთხე და ნატოს ტერიტორიას საფრთხე არ ემუქრება“, - განაცხადა პენტაგონის ოფიციალურმა პირმა.

28 აპრილს, აშშ-ის პრეზიდენტმა, ჯო ბაიდენმა განაცხადა, რომ რუსული მხარის კომენტარები ბირთვული ომის შესაძლებლობის შესახებ უპასუხისმგებლოა.