პირველი ვიცე-პრემიერის, ეკონომიკის მინისტრ დიმიტრი ქუმსიშვილის განცხადებით, ფრეიზერის ინსტიტუტის მიერ გამოქვეყნებული „ეკონომიკური თავისუფლების ინდექსის" მონაცემები ადასტურებს, რამდენად სწორი ეკონომიკური პოლიტიკა აქვს საქართველოს მთავრობას.

„ეს არის კიდევ ერთი დამსახურება ჩვენი ხელისუფლების; კიდევ ერთი დადასტურება იმისა, რამდენად სწორი ეკონომიკური პოლიტიკა გვაქვს. ეს სწორი ეკონომიკური პოლიტიკა აისახება როგორც ქვეყნის შიგნით ინვესტიციების განხორციელებაზე, ისე საერთაშორისო შეფასებებში",- განაცხადა დიმიტრი ქუმსიშვილმა.

ფრეიზერის ინსტიტუტის მიერ გამოქვეყნებულ მონაცემების, თანახმად, საქართველო „ეკონომიკური თავისუფლების ინდექსში" 159 ქვეყანას შორის მე-5 ადგილს იკავებს.