„ქართული ოცნება - დემოკრატიული საქართველოს" მაჟორიტარი დეპუტატობის კანდიდატი ენზელ მკოლიანი ახალქალაქის მუნიციპალიტეტის სოფლების - ვაჩიანი, ხოსპიო, ხანდო, დავნია, ხორენია, ბავრა, ელინჯა, ჩანდურა, მურჯახეთის მოსახლეობას შეხვდა.

ენზელ მკოიანი პრობლემებს გაეცნო და ადგილობრივებს მათ მოგვარებას დაჰპირდა. პრობლემები ძირითადად ეხებოდა სოფლის პროდუქციის რეალიზებას, წყალგაყვანილობას, გაზმომარაგებას.

„ჩვენ ვზრუნავთ, რომ სოფლებში იყოს საბავშვო ბაღი, გზები, გაზიფიცირება, ყველაფერი ერთად ვერ გადაწყდება, თუმცა მინდა, გჯეროდეთ, რომ ჩემი დაპირება რეალურია", - აღნიშნა მკოიანმა შეხვედრებზე.