„ქართული ოცნების" წევრი თამარ ხულორდავა საქართველოს პრემიერ-მინისტრის გიორგი კვირიკაშვილის გაერო-ს 71-ე ასამბლეაზე სიტყვით გამოსვლას აფასებს:

„ვთვლი, რომ პრემიერ-მინისტრის გამოსვლა ძალიან წარმატებული და მნიშვნელოვანი იყო. მან ხაზი გაუსვა საქართველოს საგარეო კურსს, რომ საქართველოს ადგილი არის ევროატლანტიკურ სტრუქტურებში, რა თქმა უნდა, შეეხო უმნიშვნელოვანესს საკითხს, რაც არის საქართველოს ტერიტორიული მთლიანობა, და მოუწოდა ყველას უფრო ქმედითი ნაბიჯებისკენ ამ მიმართულებით", - განაცხადა თამარ ხულორდავამ.