„ეროვნული ფორუმის" წევრმა ანი მიროტაძემ  „ქართული ოცნების" მიერ წარმოდგენილ „მშვიდობის მემორანდუმზე"  „რეპორტიორთან" საუბარში აღნიშნა, რომ „მშვიდობის მემორანდუმს" კონტრაქციების არჩატარებაში ეთანხმება, მაგრამ  „ეროვნული ფორუმი" ამ მემორანდუმს არ შეუერთდება.

„იმ ნაწილში, რომ პოლიტიკურ ძალებს შორის წინასაარჩევნო პერიოდში და არჩევნების დროს არ უნდა იყოს დაპირისპირება და  არ უნდა იმართებოდეს კონტრაქციები, „მშვიდობის მემორანდუმს", რა თქმა უნდა, ვეთანხმები. მაგრამ ის, რომ ამ მემორანდუმს შევუერთდეთ ჩვენ „ეროვნული ფორუმი", ვფიქრობ, ამის აუცილებლობა არ არსებობს.

ჩვენი აზრით, ვინც კონტრაქციებში და პროვოკაციებში შემჩნეულია, იმ პარტიებმა უნდა მოაწერონ მემორანდუმს ხელი. ვფიქრობ, ამით დაზღვეულები ვიქნებით", - აღნიშნა ანი მიროტაძემ.