საქართველოში ამერიკის შეერთებული შტატების ელჩი იან კელი დღეს გავრცელებულ აუდიოჩანაწერებს გამოეხმაურა.

„ამ აუდიოჩანაწერებზე არ მაქვს ინფორმაცია, მთავარია, რომ ყველას ინტერესში შედიოდეს წყნარი წინასაარჩევნო გარემო. ფიქრობ, ყველას ინტერესი უნდა იყოს მიმართული, რათა გამოხატულ იქნას ქართველი ხალხის ნება. ამის მიღწევის ერთადერთი გზა არის თავისუფალი, მშვიდი წინასაარჩევნო გარემო. ერთადერთი გზა, რომ რომელიმე პოლიტიკური ძალა მოვიდეს მთავრობაში, ეს არის საარჩევნო ყუთის გზა", - განაცხადა იან კელიმ.