„ქართული ოცნება - დემოკრატიული საქართველოს" აღმასრულებელი მდივნის ირაკლი კობახიძის განცხადებით, პარტიამ „ქართუ ბანკისგან" ერთი მილიონი დოლარი 11 პროცენტიანი საპროცენტო განაკვეთით, კანონის ფარგლების შესაბამისად ისესხა.

„ჩვენ გვაქვს სხვა წყაროებიც დაფინანსების, ძირითადი წყარო შემოწირულობებია, თუმცა დამატებით გვესაჭიროებოდა ერთ მილიონიანი სესხის აღება იმისათვის, რომ მიმდინარე კამპანიის ხარჯები დაგვეფარა. საუბარია ჩვეულებრივ სესხზე კანონმდებლობის შესაბამისად, სწორედ მილიონის ფარგლებში იძლევა კანონმდებლობა საარჩევნოდ, სუბიექტებისთვის სესხის აღების შესაძლებლობას. ჩვენ ავიღეთ ეს სესხი, ჩვეულებრივი საბაზრო განაკვეთით - 11%-იანი საპროცენტო განაკვეთით", - განაცხადა ირაკლი კობახიძემ.