NATO-ს სამოკავშირეო ოფისის ხელმძღვანელმა უილიამ ლაჰიუმ უსაფრთხოების კონფერენციის ფარგლებში „შავი ზღვის რეგიონის უსაფრთხოების გამოწვევები" განაცხადა, რომ შავი ზღვის რეგიონის უსაფრთხოება NATO-ს ყურადღების ცენტრში რჩება.

„დღეს ექსპერტებთან ერთად გვექნება დისკუსია შავი ზღვის რეგიონის მნიშვნელობაზე როგორც NATO-სთვის და მისი მოკავშირეებისთვის, ისე რა თქმა უნდა, საქართველოსთვის, როგორც NATO-ს უსაფრთხოების არქიტექტურის ნაწილისთვის რეგიონში. ჩვენ გვაქვს შესაძლებლობა, ვიმსჯელოთ საქართველოს შესაძლებლობებზე ამ პროცესში და რა კონტრიბუციის შეტანა შეუძლია ამ ქვეყანას. შავი ზღვის რეგიონის უსაფრთხოება კვლავ რჩება NATO-ს ყურადღების ცენტრში, რეგიონი განსაკუთრებით მნიშვნელოვანია ევროპისთვის, ევროატლანტიკური საზოგადოებისთვის", - განაცხადა უილიამ ლაჰიუმ.

მისი თქმით, შავი ზღვის რეგიონის უსაფრთხოება საქართველოს მომავლისთვის მნიშვნელოვან საკითხს წარმოადგენს.