„ქართული ოცნება - დემოკრატიული საქართველოს" გორის რაიონის მაჟორიტარი დეპუტატობის კანდიდატი თემურ ხუბულური გორის მუნიციპალიტეტის სოფლების - დიცის, ხიდისთავის, ატენის, ბობნევის მოსახლეობას შეხვდა. დეპუტატობის კანდიდატმა სახელმწიფო სტრუქტურებში გასატარებელ რეფორმებზე, ინფრასტრუქტურულ პროექტებზე, საგანმანათლებლო სისტემაზე ისაუბრა.

როგორც დეპუტატობის კანდიდატმა აღნიშნა, „ქართულ ოცნებას" აქვს მკაფიო ეკონომიკური ხედვა და კონკრეტული გეგმა, თუ როგორ უნდა განვითარდეს საქართველოს ეკონომიკა შემდგომი 4 წლის განმავლობაში. თემურ ხუბულურმა ისაუბრა მეწარმეობის განვითარების პროგრამაზე - „აწარმოე საქართველოში", აგრეთვე, მთის კანონით გათვალისწინებულ შეღავათებზე.