„ყველამ კარგად იცის „რუსთავი 2"-ის ეგზიტპოლებს და გამოკითხვებს არავინ ენდობა, საზოგადოება ძალიან წინ არის წასული", - ამის შესახებ პარლამენტის ვიცე-სპიკერმა მანანა კობახიძემ განაცხადა და აღნიშნა, რომ „რუსთავი 2" საზოგადოების შეცდომაში შეყვანას გაყალბებით ცდილობს, რაც მისი შეფასებით, სასაცილოა. კობახიძის განცხადებით, „ნაციონალური მოძრაობა" ცუდ დღეშია და ეს აისახება „რუსთავი 2"-ზეც.

„ძალიან ცუდ დღეშია „ნაციონალური მოძრაობა" , ეს აისახება „რუსთავი 2"-ზე და მის დირექტორზეც, რომელიც ასევე ცუდ დღეშია. არასწორი მონაცემებით, გაყალბებით, ცდილობენ საზოგადოება შეიყვანონ შეცდომაში, რაც უკვე სასაცილოა. ყველამ კარგად იცის „რუსთავი 2"-ის ეგზიტპოლებს და გამოკითხვებს არავინ ენდობა, საზოგადოება ძალიან წინ არის წასული", - განაცხადა მანანა კობახიძემ.