„ქართული ოცნების" ვაკის მაჟორიტარი დეპუტატობის კანდიდატი ზაზა ხუციშვილი „მარშალპრესთან" საუბრისას აცხადებს, რომ „რუსთავი 2"-თან მიმართებაში ქართველ საზოგადოებას შეკითხვები აღარ აქვს.

„ის, რომ ყოფილი გენერალური პროკურორი წამოსული არის „რუსთავი 2"-ში, ის, რომ ამავე ტელეკომპანიის საინფორმაციო სამსახურის უფროსი „ნაციონალებშია", ის, რომ ვისი იყო ტელევიზია, „რუსთავი 2"-ის თანამშრომლებმა მანამდე არ იცოდნენ, ამ ვიდეოების გარეშეც ყველაფერი ნათელია ჩვენთვის. უბრალოდ ეს ვიდეომიმართვა შეიძლება მორიგი მტკიცებულება იყოს. „რუსთავი 2"-თან მიმართებაში ქართველ საზოგადოებას შეკითხვები აღარ აქვს, ყველაფერი გასაგებია, რომ ტელევიზია არის „ნაციონალური მოძრაობის" ჩინობრივ კუთვნილებაში. ისიც კარგად მახსოვს, ქიბარ ხალვაშს რომ გადაუწვეს საწყობები და წაართვეს, ეს ყველაფერი გვახსოვს ჩვენ", - აცხადებს ზაზა ხუციშვილი.

სოციალურ ქსელში ვრცელდება აუდიომასალა, სადაც სავარაუდოდ „რუსთავი 2"-ის თანამშრომელი საუბრობს და ტელეკომპანიის გენერალურ დირექტორს ნიკა გვარამიას საუბრების ფარულ ჩაწერაში ამხელს.