საქართველოს პრემიერ-მინისტრი გიორგი კვირიკაშვილი ადასტურებს, რომ ახალი მოწვევის პარლამენტის თავმჯდომარედ პარტია "ქართული ოცნების" აღმასრულებელი მდივნის, ირაკლი კობახიძის კანდიდატურა განიხილება.

კობახიძის კანდიდატურის შესახებ ინფორმაცია  გიორგი კვირიკაშვილმა „რუსთავი 2"-ის ჟურნალისტს დაუდასტურა.

პრემიერის განმარტებით, საბოლოო გადაწყვეტილება პარლამენტის თავმჯდომარის შესახებ კვირის ბოლომდე გახდება ცნობილი.

ირაკლი კობახიძე "ქართული ოცნების" საარჩევნო სიის მე-3 ნომერია.