„რესპუბლიკური პარტიის" გორის ორგანიზაცია სამოცამდე წევრმა დატოვა.

პარტიის რაიონული ორგანიზაციის თამჯდომარის ვახტანგ ბერკაცაშვილის განცხადებით, გადაწყვეტილება შიდაპარტიული კონსულტაციის შემდეგ, ჯერ კიდევ საპარლამენტო არჩევნებამდე ჰქონდა მიღებული.

„ვტოვებ რაიონული ორგანიზაციის თავმჯდომარის პოსტს და „რესპუბლიკურ პარტიას". მსგავსი გადაწყვეტილება მიიღეს ჩემი გუნდის წევრებმაც, რომლთა რაოდენობაც 50-60 ადამიანამდეა. ეს გადაწყეტილება მიღებული მქონდა არჩევნებამდე და მანამ, სანამ დათო უსუფაშვილი გააკეთებდა განცხადებას. თუმცა, რადგან იყო წინასაარჩევნო პერიოდი, ჩვენ არ გადავდგით ეს ნაბიჯი და პარტიას ბოლომდე გავყევით", - განაცხადა ვახტანგ ბერკაცაშვილმა.