დღეს „ქართული ოცნების" პოლიტსაბჭომ საპარლამენტო თანამდებობებზე შერჩეული კანდიდატები წარადგინა.

ამ დროისთვის პარლამენტის ყველა კომიტეტის თავმჯდომარის კანდიდატებია დასახელებული, გარდა 2 კომიტეტისა.

„გრძელდება კონსულტაციები ადამიანის უფლებათა დაცვისა და სამოქალაქო ინტეგრაციის კომიტეტისა და სპორტისა და ახალგაზრდულ საქმეთა კომიტეტის ხელმძღვანელების პოსტებზე წარსადგენ კანდიდატურებთან დაკავშირებით", - განაცხადეს „ქართულ ოცნებაში".