„ვართ თანამშრომლობის განწყობით და იმედია, რომ ყველაფერი ისე წარიმართება, როგორც ეკადრება ქართულ სახელმწიფოს", - ამის შესახებ „ქართული ოცნების" წევრმა, პარლამენტარმა აკაკი ზოიძემ პარლამენტში პრეზიდენტის სიტყვით გამოსვლის შემდეგ განაცხადა.

მისი თქმით, პრეზიდენტის გამოსვლა იყო საინტერესო.

„მთელი რიგ გამოწვევებზე ისაუბრა ბატონმა მარგველაშვილმა. ხაზგასმით მინდა ვთქვა, რომ მზად ვართ, ვითანამშრომლოთ პრეზიდენტთან, როგორც კონსტიტუციის გარანტთან, როგორც ჩვენი საკონსტიტუციო მოწყობის მიხედვით, ხელისუფლების ერთ-ერთ შტოსთან", - განაცხადა ზოიძემ.