საპარლამენტო უმრავლესობის წევრმა ალექსადრე ქანთარიამ „რეპორტიორთან" „ღამის მგლებისა" და ლუჟკოვის ვიზიტის შესახებ ისაუბრა.

„პენსიონერი ლუჟკოვი ჩამოვიდა და ატყდა ერთი ამბავი. აი, ასეთი სიმამაცის გამოჩენა ჩემთვის ცოტა სხვა გრძნობებს იწვევს. თუ ის პერსონა ნონ გრატადაა გამოცხადებული, მაშინ ნუ შემოვუშვებთ.

თუნდაც ეს „ღამის მგლები", მოგეხსენებათ, ტურისტის საზღვარზე გადმოსვლა შეიძლება, რუსეთის მოქალაქეები ჩვენს სივრცეში თავისუფლად გადმოდიან, მათ არ ჰქონდათ არანაირი ამოსაცნობი ნიშანი, შეეძლოთ შემოსვლა. თუმცა, თუ მათ რაიმე დააშავეს, კანონით გათვალისწინებული ღონისძიებები უნდა გატარებულიყო", - ამბობს ქანთარია.