კომპანიამ Yandex კიევსა და ოდესაში ოფისების დახურვის გადაწყვეტილება მიიღო. კომპანიის საზოგადოებასთან ურთიერთობის დირექტორმა, ოჩირ მანჯიკოვმა განაცხადა, რომ „იანდექს უკრაინა" სანქციების სიაშია და ფაქტობრივად, არ შეუძლია უკრაინაში მოღვაწეობა. მისი თქმით, ამ ოფისების თანამშრომლებს სხვა ქვეყნების ფილიალებში გადასვლას შესთავაზებენ.

„კომპანია „იანდექს უკრაინა" სანქციების სიაშია და ფაქტობრივად, არ შეუძლია უკრაინაში მოღვაწეობა. ნაწილობრივ ყველა ანგარიში დაბლოკილია და თანამშრომლებს ხელფასს ვერ ვუხდით. ამიტომაც, მივიღეთ გადაწყვეტილება კიევსა და ოდესაში ოფისების დახურვის თაობაზე" , - განაცხადა კომპანიის საზოგადოებასთან ურთიერთობის დირექტორმა, ოჩირ მანჯიკოვმა.

16 მაისს, უკრაინის პრეზიდენტმა პეტრო პოროშენკომ რუსეთის წინააღმდეგ სანქციების ახალ პაკეტს მოაწერა ხელი და ქვეყნის ტერიტორიაზე რუსული ინტერნეტ-კომპანიების მუშაობა აკრძალა.