„ასავალ-დასავალმა" რუბრიკა „კვირგვინოსნებში" გამოაქვეყნა „გაერთიანებული დემოკრატიული მოძრაობის" პოლიტიკური მდივნის გიგლა ბარამიძის  განცხადება, რომელიც მან „ალიასთან" საუბარში გააკეთა. ბარამიძის განცხადებით, გავრცელდება კადრები, სადაც არა მხოლოდ ზოგიერთი მაღალჩინოსნის ინტიმური ცხოვრება იქნება ასახული, არამედ სხვა მიმართულების ფარული ჩანაწერები გავრცელდება, სადაც იქნება მნიშვნელოვანი საუბრები, შეხვედრები.

„როცა მთელი საქართველო ახუნტრუცებულია და ვიღაცეების სარეცელში გადაღებული მორიგი სერიალის მოლოდინშია, უკრაინიდან ეტაპობრივად ბევრი სიურპრიზი გველოდება. რაც ხდება, ეს ჟურნალია, კონცერტი წინ გვაქვს. სავარაუდოდ, გავრცელდება კადრები, სადაც არა მხოლოდ ზოგიერთი მაღალჩინოსნის ინტიმური ცხოვრება იქნება ასახული, არამედ სხვა მიმართულების ფარული ჩანაწერები გავრცელდება, სადაც იქნება მნიშვნელოვანი საუბრები, შეხვედრები.

ხელისუფლებას თუ უნდა, ერთხელ და სამუდამოდ გამოიძიონ ეს საკითხი, ჩაატარონ სპეცოპერაცია ან გაცვლითი ოპერაცია - მეგის ქარდავა და მერაბიშვილის მარჯვენა ხელი - მესხელი, რომელმაც შექმნა მოსმენების, თვალთვალის იმპერია, ჩამოაცუხცუხონ საქართველოში, დაკითხვა არ ექნებათ დაწყებული, ყველაფერს დაფქვავენ", - განაცხადა ბარამიძემ.

წყარო :