​საქართველოს პარლამენტის ეროვნული ბიბლიოთეკა ანდრო ხანის პერსონალურ გამოფენას სახელწოდებით „16 სიგიჟე" ხვალ, 16 ივლისს უმასპინძლებს. მხატვარი გამოფენს 16 ნამუშევარს, რომლებიც ყოველდღიურ ცხოვრებისეულ სიგიჟეს წარმოადგენს.

​ანდრო ხანი გამოჩენილი ჩინელი მხატვრის ანდრეი ვლადიმირის ძე ხანის (ხან შან ლუნის) ოჯახში დაიბადა. ფერწერას ბავშვობიდან მამა ასწავლიდა. სამხატვრო აკადემიის დამთავრების შემდეგ, ლიდერი სამხატვრო კომპანიების არტ-დირექტორად მუშაობდა.

​როგორც „სითი კვირას" ეროვნულ ბიბლიოთეკაში განუცხადეს, ანდრო ხანი თბილისში ჩამოვიდა და სახელმწიფოს უსასყიდლოდ გადასცა მამამისის, ანდრეი ვლადიმირის ძე ხანის, 1 000 000 ლარზე მეტი ღირებულების 24 ფერწერული ტილო.

„2015 წელს ძალიან მოიხიბლა საქართველოთი და გადაწყვიტა დიდი ხნის ოცნება, საზოგადოებას გაეცნო, როგორც ფერმწერი, საქართველოში განეხორციელებინა", - აცხადებენ ბიბლიოთეკაში. მსურველებს 16 ივლისს, 18:00-დან - 22:00-მდე შეუძლიათ დაათვალიერონ ანდრო ხანის ნამუშევრები.

წყარო :