უკრაინის ქალაქ ლვოვის რაიონულმა სასამართლომ მიხეილ სააკაშვილთან ერთად სასაზღვრო პუნქტ „შეგინის" გადაკვეთის ბრალდებით დაკავებულს 2-თვიანი პატიმრობა შეუფარდა. იმ შემთხვევაში, თუ დაკავებული გირაოს გადაიხდის, ის გათავისუფლდება.

„წარდგენილი მასალების საფუძველზე სასამართლომ მამაკაცს 60-დღიანი პატიმრობა, 32 ათასი გრივნას ოდენობის გირაოს შეტანის უფლებით შეუფარდა", - ნათქვამია გავრცელებულ ინფორმაციაში.

მამაკაცს ბრალად ედება უკრაინის სისხლის სამართლის კოდექსის 332-ე მუხლის მეორე ნაწილით (უკრაინის სახელმწიფო საზღვარზე ადამიანების უკანონო გადაყვანა), 342-ე მუხლის მეორე ნაწილით (ხელისუფლების ან სამართალდამცავი ორგანოს წარმომადგენლისთვის წინააღმდეგობის გაწევა) და 293-ე მუხლით (საზოგადოებრივი წესრიგის დარღვევა ჯგუფის მიერ) გათვალისწინებული დანაშაულის ჩადენა.