„ისლამური სახელმწიფო“ კიევში ჩემპიონთა ლიგის ფინალურ მატჩზე თავდასხმით იმუქრება.

ბრიტანული მედიის ინფორმაციით, მადრიდის „რეალისა“ და „ლივერპულის“ ფანებს ტერორისტები რამდენჯერმე დაემუქრნენ.

ჟურნალისტების ცნობით, შესაბამისი გზავნილები მათ  Telegram-ით მიიღეს. ამას გარდა, ტერორისტულმა დაჯგუფებამ გაავრცელა ვიდეო, სადაც კიევში 26 მაისს დაგეგმილი მატჩის დროს სისხლისღვრით იმუქრება.

მანამდე „ისლამური სახელმწიფო“ რუსეთში მსოფლიო ჩემპიონატის დროს თავდასხმების მოწყობითაც იმუქრებოდა.