მაკედონიის ყოფილი პრემიერ-მინისტრი ნიკოლაა გრუევსკი ძალაუფლების გადამეტების გამო დააკავეს. მას ძვირადღირებული ავტომობილის შეძენის მიზნით ტენდერის გაყალბებას ედავებიან. საუბარია ტყვიაგაუმტარ Mercedes Benz-ზე, რომელიც მან 2012 წელს დაახლოებით 600,000 ევროდ შეიძინა.

გამოძიების მტკიცებით, გრუევსკიმ სატენდერო კომისიაზე ზეწოლა მოახდინა.

მაკედონიის ყოფილმა პრემიერ-მინისტრმა თანამდებობა 2016 წელს, საპროტესტო აქციების ფონზე, ფარული ჩანაწერების გამო დატოვა. ოპონენტები გრუევსკის 2,1 მილიონიან ქვეყანაში 20,000-მდე მოქალაქის ფარულ მიყურადებას ედავებიან.