„BBC"-ის მიერ გავრცელებული ინფორმაციით, ერაყის დედაქალაქ ბაღდადში გუშინ განხორციელებული თავდასხმის შედეგად დაღუპულთა რიცხვი 93-მდე გაიზარდა.

აფეთქება შიიტებით დასახლებულ უბანში, ხალხმრავალ ბაზართან მოხდა. ასაფეთქებელი მოწყობილობა ავტომობილში იყო განთავსებული. მოგვიანებით ორმა თვითმკვლელმა ტერორისტმა პოლიციის პუნქტებთან აიფეთქა თავი. მომხდარზე პასუხისმგებლობა ე.წ. „ისლამურმა სახელმწიფომ" აიღო.

ერაყში თავდასხმებს აღნიშნული ექსტრემისტული დაჯგუფება ხშირად ახორციელებს. თუმცა, გუშინდელი ტერაქტების სერია წელს ყველაზე მასშტაბური იყო.