logo_geo
eng_logo
სოფიო ქაცარავა: კარგი შესაძლებლობაა სტუდენტებმა მიიღონ მონაწილეობა მსგავს კონკურსებში...
- +

11 დეკემბერი. 2018. 21:46

 

ბულგარეთის საელჩოს, როგორც NATO-ს საკონტაქტო საელჩოს ინიციტივით გამოცხადებული ესეების კონკურსის გამარჯვებულები დღეს გამოვლინდნენ თემაზე „NATO-საქართველო, არსებული გამოწვევები და 2018 წლის ბრიუსელის სამიტი“.

 

საგარეო ურთიერთობათა კომიტეტის თავმჯდომარე, სოფიო ქაცარავა  ჩართული იყო კონკურსის მიმდინარეობის პროცესში და გამარჯვებული ესეების ავტორების გამოვლენაში.

 

სოფიო ქაცარავამ მადლობა გადაუხადა საქართველოში ბულგარეთის საგანგებო და სრულუფლებიან ელჩთან დესისლავა ივანოვას და მის გუნდს კონკურსისთვის, რომელიც უკვე მეორედ ჩატარდა.

 

„ძალიან კარგი შესაძლებლობაა სტუდენტებმა მიიღონ მონაწილეობა მსგავს კონკურსში და იმსჯელონ ქვეყნის მთავარი საგარეო პოლიტიკური პრიორიტეტების შესახებ, გაგვიზიარონ საკუთარი ხედვა და იგრძნონ თავი პოლიტიკური პროცესების განუყოფელ ნაწილად. მოხარული ვარ რომ ესეების კონკურსი იყო NATO-ს შესახებ. მნიშვნელოვანია ახალგაზრდების წახალისება და მოტივირება ამ მიმართულებით.

 

მე ხშირი კომუნიკაცია მაქვს სტუდენტებთან, ძალიან მნიშვნელოვანია მათი ჩართულობა მსგავს ღონისძიებებში და კონკურსებში, რადგან სწორედ ისინი არიან ქვეყნის მომავალი, რომელთაც მნიშვნელოვანი წვლილი უნდა შეიტანონ ქვეყნის განვითარებაში.  ვაფასებ საელჩოს ძალისხმევას ამ პროცესში, როგორც NATO-ს საკონტაქტო საელჩოს საქართველოში და მიმაჩნია, რომ ეს არის ყურადსაღები საქმე. ძალიან დიდი სიამოვნება მივიღე ესეების წაკითხვის დროს და მივხვდი, თუ რა დამოკიდებულებებია ახალგაზრდების მხრიდან ასეთი მნიშვნელოვანი საკითხების მიმართ, როგორ უდგებიან და აფასებენ პროცესებს“,- აღნიშნა სოფიო ქაცარავამ.

 

სოფიო ქაცარავამ მადლობა გადაუხადა კონკურსის ორგანიზატორებს და მონაწილეებს და მათ წარმატება უსურვა ყველა დასახული მიზნის მიღწევაში.

 

ესეების კონკურსის შედეგად კი გაიმარჯვა ირაკლი გაბიძაშვილმა, რომელიც  სასწავლო ტურით სოფიაში გაემგზავრა.

right_banner right_banner
არქივი
right_banner