თბილისში, სუხიშვილის ქუჩაზე „ლიბერთი ბანკის“ ერთ-ერთ ფილიალზე ყაჩაღური თავდასხმის დროს ორი ადამიანი დაშავდა.

ამ დროისთვის არსებული ინფორმაციით, დაშავებულებს ცეცხლსასროლი ან ცივი იარაღით მიყენებული ჭრილობები არ აღენიშნებათ. წინასწარი ინფორმაციით, მათ დაზიანებები ფიზიკური შეხლა-შემოხლის დროს მიიღეს.

ჯერ უცნობია, წაღებულია თუ არა თანხა ბანკიდან. ადგილზე ამ დრომდე სამართალდამცველები მუშაობენ.

როგორც შსს-ში განაცხადეს, გამოძიება სისხლის სამართლის კოდექსის 179-ე მუხლით არის დაწყებული, რაც ყაჩაღობას გულისხმობს.