ევროპის საბჭოს საპარლამენტო ასამბლეის პრეზიდენტი ლილიან მორი პასკიე 29 აპრილს პარლამენტის თავმჯდომარეს ირაკლი კობახიძეს შეხვდება, რის შემდეგაც პარლამენტში პრესისთვის ერთობლივი განცხადება გაკეთდება.

ლილიან მორი პასკიე წეროვანში იძულებით გადაადგილებულ პირთა დასახლებას ესტუმრება საიდანაც სოფელ ოძისში გაემგზავრება.

ვიზიტის ფარგლებში ევროპის საბჭოს საპარლამენტო ასამბლეის პრეზიდენტი საქართველოს პრეზიდენტს სალომე ზურაბიშვილს და პრემიერ-მინისტრს მამუკა ბახტაძეს შეხვდება.

30 აპრილს ლილიან მორი პასკიე პარლამენტში, საქართველოს ევროსაბჭოში გაწევრიანების 20 წლის იუბილესადმი მიძღვნილ საზეიმო სხდომაზე სიტყვით გამოვა.